القائمة الرئيسية

الصفحات

آخر الاخبار

فى حوار مع د.مجدى يعقوب فى التلفاز

المذيعة بتسأل الدكتور مجدي يعقوب بتقول له إيه اللي بيتعب القلب يا دكتور ؟

- رد عليها وقال لها :
حاجات كتير لكن أوحش حاجة هو الحزن ..
معظم المرضى اللي بتجيلي وعندها مشاكل ف القلب بيبقى سببها الحزن !! ..
الحزن بيوجع القلب ويخلي حتت منه تضعف ..
دي حاجات شفناها كتير في السنين اللي فاتت ..
قلب بيبقى مكسور .. وده بيأثر عليه ..القلب مبيشتغلش بعد ما حد بيزعل جداً .. عضلة القلب بتضعف من الحزن والكسرة
وممكن وقتها الإنسان يموت لو حصل مضاعفات قبل ما العضلة ترجع لوضعها الطبيعي ..
وإن الحزن وكسرة القلب بتموت مش مجرد شعور إنساني

- أكبر بروفيسور في القلب وأمراضه بيأكد للعالم كله إن الحزن بيموت زيه زي المسدس .. 

وإن الكسرة والحسرة والحزن سواء من ناس قريبة مننا أو على ناس قريبة مننا ممكن يموت ..
وإن الدمعه على المخدة بالليل مش دلع ومجرد مشاعر،  لا دي بتموت ..
وإن اللي بيقعد في اوضته حزين ومكتئب ممكن يموت ..
واللي بيكسر قلب حد سواءً بفراق أو غدر أو كذب ممكن يموته ..
واللي بينصدم في حد ممكن يموت ..
واللي مبيراعيش مشاعر حد ممكن يموته ..
واللي بيفارق حد ويبعد عنه ممكن يموته ..
واللي بيوجع القلب بكلام جارح ممكن يموته ..
وإن الحسرة من ذكريات محفورة بتوجع الروح ممكن تموت 😥

الحزن فعلا بيموت .. ولازم الناس تدرك ده .. أرجوكم متسيبوش حد زعلان وينام وهو حزين وتقولوا هنبقى نصالحه بعدين ..
انت ممكن متلاقيهوش بعدين أصلاً ..
متلاقيهوش هو شخصيا ..
ممكن تصحى وتنام تلاقيه مش موجود في الحياة ..
تلاقيه مات بحزنه وسابك بحسرتك عليه اللي ممكن يموتك إنت كمان ..
دايرة الحزن بتفرم أي حد .
.ألحقوا اللي بتحبوهم قبل فوات الأوان ومتأجلوش الكلمة الحلوة اللي ممكن تشفي حد ..
ده الدقيقة بتفرق والله

اللهم إنا نعوذ بك من الهم والغم والحزن والكسرة والحسرة 🤲
هل اعجبك الموضوع :

تعليقات

3 تعليقات
إرسال تعليق

إرسال تعليق

علق هنا بمايناسب الموضوع . جزاكم الله خيرا

التنقل السريع